شحچي وياك
شحچی اویاك ؟
يَچِلمَه وناشفَه وحَنظَّل بُقَت بالریج
یَهاوَن دَگ صَبُر یاعَطَش لیل إچفاك
إذا صُعبَت عَليك إتگِلي أهلا بيك
إمبارك مٌِن رحِت چاگتلي اللّه وياك
شحچي وياك ؟
شَسولف والحَچي إلينعاد سَكتَه يموت
يَلماخِذ فَرحتي وعُمري ماكَفّاك ؟
يالبايگ ضُوه إمنعیوني وإحنه إبليل
وماگتلي إنعم الله ولا شِلت يِمناك
شحچي وياك ؟
يافَشلة الفَشلَه وزَحمَه مِّن دِنياي
شَگِلها وطَعَم ماصِخ ظَلٌت إبلياك ؟
يانِصِّي إلبُقَه # شَحچیلَه حَتّه إیعیش؟
یاكِلّي إلخذیتَه إشلون راح أنساك ؟
شحچي وياك ؟
يَل بيك إتعَبِت يالحاش مِنّي إسنين
يالشِلتَك مَعاني ومِحتِرگ مَعناك
يَمتَه إتحِن عَليّه ويَمتَه أشوفَك جاي؟
لا صيفَك صُفالي ولا صُفالي إشتاك
شحچي وياك؟
ياحَظّي وقِسِمتي وكِلشي ماظّل بیك
يالناطي إلغَريب وحارُم إلحبَّاك
ياكِل إلبقالي إمنلشليل إحزام
عَطَّشت إلعوافي ویِبسَت إبمَمشاك
وينَك ؟ مو گِلت تِلگاني مِّن إتضيع ؟
بيك وضَيَعِت چا وین راح ألگاك ؟
شحچي وياك ؟
وآنه بحال صوتَك مِن يجيني اللّيل
شَحچیلَه أُوشَگلّه أبيا عَزه العَزّاك ؟
يالماخِذني كِلّي وغاط وين إتريد؟
أشهَگ واختِنِگ وأتنَفَس إبطَرواك
حَّد إللّيل غُبشَه وبيك طال إللّيل
ماطِلعَت شَمِس والشوگ مادَفّاك
كِلشي إنباع بِيّه وحتى خِلگي إنباع
واهِس مابُقالي وگالوا إشوازاك
حَبيتَك عُمُر حِطني إبخَيالك يوم
وأحسِبها. إبثواب إلمات ماوصّاك ؟
يالبايگني مِنّي وآنه نِص عاشور
والمبيوگ فَرحَه إشلون يِتلَگاك ؟
إسمَك بالحَصاد ومِنجَلَك مَكسور
إذا مابيك تِفزَع عوفني أترَجاك
أحِبّك# لا إتحِبني جروحي يِحچَن بیك
ماتِگدَر عَلیهِّن ذَنِّي أتحَداك
#شحچي وياك ؟
* أبو وصفي ألمَرعي *
تعليقات
إرسال تعليق