قسمة/ بقلم الشاعر البصري ابو وصفي المرعي

( قسمه )

شِكل الليل موحش     لو لبس هدمه
وطاري الموت مرعب    لو يمر إسمه
وحچي الناس يكتل  لو وصل للناس
وإبنادم            يحب سوالف إلدسمه

إلمشاكل يا إبنادم      تبدي من إشلون 
مثل ساس العواصف     لو بده بنسمه
إنرسم حتى إلحِلم  بشفايف إليِحچون
ورِسمولك بَخت       وإلبخت شيرسمه

كلها إتهون        بس شيقنع إليحچون؟
وأكو بعض اللسونه إتخوط ب(الشسمه)
يسمونك ضعيف            وربك مسويك
أگلهم قسمه هاي         وراضي بالقسمه

الفخر مو للجبل  من وصل راسه الغيم
الفخر للخلق ساسه         وكبر إبجسمه
بس حطلك بخت       واگعد بنص النار
الجمر یگلب ثلچ              والآه للبسمه

( ابو وصفي المرعي )