# قرابين #
تهده وسمي واصعد گول یاالله
واذكرني بدعائك عند الحسين
واخبره الدنيه ظلمت والظلم زاد
وگله السیف بعده ایحز شرایین
وگله الدم رخص والسوگ تعبان
ونزل سعر الشوارب بالدكاكين
بس سعر السوالف زايد اضعاف
وصعد سعر الچذب عند السلاطین
وگل لحسین جدك كسر اصنام
اشو ردت علينه اصنام من طين ؟
واذكر كربله ------ واذكر العباس
وابچي وصيح يا غدر الشياطين
بس وياك لا تنساني مولاي
انه البصره ونطيت ارگاب طیبین
انه ابنادم گلبنی وطبر اچلاي
وهم ظلت بروحي إشگد نیاشین
یزید وحرمله اتعدوا الممنوع
وعدنه اهواي منهم بالدواوين
اصعدوا اعله المنابر واحچوا للناس
علی مود الكرامه انصیح یحسین
انه المیته عطش والنهر موجود
وانه بنت العراق الشال نهرین
ومن تذكر خيمهم سوي دخان
لا تنسه الحرگ ذیچ اليواخين
اصعد واذكر الله وذكر الناس
اخلاق البريه اتمثل الدين
رفقا بالمذاهب واليمرون
وصانه الرسول اعله الجوارين
انه النخله الحزينه وزهوة البيت
هم عمه ومثل زينب قرابين
انه الماباخله اعله الناس فديوم
مثل عباس من انطيت چفین
ابو فاضل وفه وعنوان للناس
وانه مثله اوگفت والسهم بالعین
لاتنسانی واصعد واحچي للجاي
وللبعده طري ومايدري ماشين -
* ابو وصفي المرعي *
تهده وسمي واصعد گول یاالله
واذكرني بدعائك عند الحسين
واخبره الدنيه ظلمت والظلم زاد
وگله السیف بعده ایحز شرایین
وگله الدم رخص والسوگ تعبان
ونزل سعر الشوارب بالدكاكين
بس سعر السوالف زايد اضعاف
وصعد سعر الچذب عند السلاطین
وگل لحسین جدك كسر اصنام
اشو ردت علينه اصنام من طين ؟
واذكر كربله ------ واذكر العباس
وابچي وصيح يا غدر الشياطين
بس وياك لا تنساني مولاي
انه البصره ونطيت ارگاب طیبین
انه ابنادم گلبنی وطبر اچلاي
وهم ظلت بروحي إشگد نیاشین
یزید وحرمله اتعدوا الممنوع
وعدنه اهواي منهم بالدواوين
اصعدوا اعله المنابر واحچوا للناس
علی مود الكرامه انصیح یحسین
انه المیته عطش والنهر موجود
وانه بنت العراق الشال نهرین
ومن تذكر خيمهم سوي دخان
لا تنسه الحرگ ذیچ اليواخين
اصعد واذكر الله وذكر الناس
اخلاق البريه اتمثل الدين
رفقا بالمذاهب واليمرون
وصانه الرسول اعله الجوارين
انه النخله الحزينه وزهوة البيت
هم عمه ومثل زينب قرابين
انه الماباخله اعله الناس فديوم
مثل عباس من انطيت چفین
ابو فاضل وفه وعنوان للناس
وانه مثله اوگفت والسهم بالعین
لاتنسانی واصعد واحچي للجاي
وللبعده طري ومايدري ماشين -
* ابو وصفي المرعي *
تعليقات
إرسال تعليق