طعم الحلاوة/ بقلم الشاعر القدير ابو وصفي المرعي

طعم الحلاوه

إزغيرون الحلم بس انكتل بالليل
وطعم ذيج الحلاوه اتبدل إمروره
وتغير طوخ الوان اليصورون
وعلى عين اليتامه احترگت الصوره
على خف الطبل خفت الرجلين
وأسكت ما اسولف لأن محظوره
الشوارع والمزارع عاشگه الدخان
والما تستحی امنالناس مشهوره
مشكور الحمه الديوان خاف ايطيح
والما صيحت بالليل مشكوره
رشمه وعد غشيم ايتيه المعبار
ركبها محدده ورجلين مكسوره
جبح حظ الفقير الماله بس النار
وانباگ الخبز من حلگ تنوره
تسكت !! ----------تختنگ
تحچي !! -------الوكت موزين
تسولف !! وإهيه بت الشيخ مدهوره !!
صح فقره وكتلنه مشاهگ الدخان
بس نقره الكتاب ابأول اسطوره
گلناها وعرفنه اشگد حقد مدفون
عالبصره وأهلهه وشطها واطیوره
تحرگ لیش ؟؟؟
یاضحضاح اصلك وانت مالك گیش
تدوس اعله الحماك وتحرگ الصوره ؟
منو الگلك ؟منو الوزك ؟ منو الوصاك؟
واگلوب الیتامه لهسه مفطوره
تربات الشوارع ماربیتوا إبیت
عساها انشلت إيد الحرگ ناطوره
الطاهر حلیبه وشاف فعلك مات
والمثلگ صگط صفگ بشاجوره
البصره لاهلهه ومو لیاهو الچان
والحركوا گلبها اچلاب مسعوره -

(ابو وصفي المرعي )