يمكن أنسه الراد ------ يكتل فرحتى
وانسه ذاك الراد--------- يذبح رگبتی
وچني ماشفت الكتل عمري--- ابرود
واغفر الزلات كلها---------- بضحكتي
واضحك بوجه المناجل--- من تموت
وابچي سكته اويالمساحي- براحتي
وارفع اچفوف التعب -- گبل المغیب
وادعي ربي الوحده يعلم -----حالتي
وانسه خطوات الدرب چن مامشیت
وارجع اگعد واعتذر من -----خطوتي
وانگلب موجه ابنهر---- واكسر شمال
وشرچي ادورن ----حته تكبر موجتي
واشبگ اچفوف الجرف عن لا یطیح
اسم الله اگله----- وهاك اروه بدمعتي
وانسه كل ذيج السوالف - من حچیت
وحده وحده -- وخل اعيش ابسكتتي
وابري كلمن ضدني ذمته وخل اموت
هاك اگله -------------وما اخلي ابذمتي
كلشي أنسه -----وماني مستهضم عليه
ومستحيل انسه ----- اللي خرب جنتي
اخذوا كلشي البيه - بس بقولي صوت
ابصوتي اصيحن ----- يامصيبة ديرتي
*ابو وصفي المرعي *
تعليقات
إرسال تعليق