شوية فرح/ للشاعر البصري القدير ابو وصفي المرعي

* شوية فرح. *

روحي اشتهتكم من امس
ينجوم ياطيف الشمس
يادمعه نامت بالجفن
هلهوله ومراكض عرس
وحدي اسرحت
وآنه اويخطواتي إفرحت
غفله وطحت
ياس وفحت
هيل ومطر واتطشرت
وحدي وگلت یالله وگمت
واتلملمت
مو طیحه --- هاي اول درس
وأنه بعرس
يمكن امس !!
اول امس !!
ليل وشجر
غيم ومطر
والشمعه طفاها الهوى
وما شفت زفه ولاعرس
گلت اشتری اشویة فرح
دورت جيبي ولافلس
ماظن امس
هاي اولمس
ذيج السنه وذاك الوكت
واستعجلت لمن گمت
هم بالحلم خفت انعلس
هاي اولمس-- مدري امس !!
تاهت علي
طلعت شمس --

( ابو وصفي المرعي )