##چذب ##
ارد انساك
يالكلك اذيه وانتظر ممشاك
اخذ كلشي التريده وروح لا هناك
ارد انساك
روح امودع الله وكل طعم مابيك
يالكلك إمصوخه وتعبتني وياك
خيولي النطيته ومانطيتك خاف
عافيتي وإعيوني والگلب یفداك
أرد انساك
وماگلك بسيطه إبروحتك ارتاح
بس المايريدك مو غصب يهواك
ارد انساك
يالماشفت منك لا شته ولا صيف
وخلص كل العمر چا یمته اترياك
اخذ مني الخذيته محالل وماهوب
وروح ابراحتك دفعة هوا ابمگفاك
يمته اتفيدني ومابيك شغله اتفيد
اسنين انخه بجنابك بعد ماانخاك
دليتك إجروحي وذمه گتلك هاي
زادن من عرفتك وانت بعدك ذاك
ارد انساك
يالمالك فضل بس السوالف بيك
اي هاي اعترفلك عمر ماكفاك
ياخابط لگیتك واتعبت صفيت
ياناكر النعمه وناسي من صفاك
داريتك گبل عبالی ورده اتصیر
عاگول اطلعت والشوك شو غطاك !!
لاتاخذ صفنتي احتاجهه امنتروح
ولاتاخذ حسرتي اتفيدني ابطرواك
ولاتاخذ عيوني اتفيدني امنابچیك
ولا تاخذ حروفي اتفيدني ابمعناك
ولا تاخذ دربنه احتاجه من امشيه
يذكرني بخطوتك وامشي واتعناك
روح الدنيه تزغر وين ناوي اتروح
إبصفي إیظل مكانك ألتفت والگاك
بگت منك سوالف حتى اسولف بيك
دورت اعله گلبي وطلع ماشي وياك
وي آمن اسولف ------- وانت ماخليت
ماخذ كلشي مني وكلي يظل يتناك
وآنه وياك نبقه إبابنه --------إنتانيك
من إتريد ترجع --------- أرجع اتلگاك
وماريدن ورد ---- خليني بس ارتاح
ماكضن ورد ------- رايد اكض يمناك
ولو رديت وحدك ----- إسأل الناطور
خيدليك وإقره بقصتي ---- لو دلاك
صح گتلك نسيتك --- چذبت علناس
انسه الناس كلهه وچذب ماأنساك --
(ابو وصفي المرعي )
ارد انساك
يالكلك اذيه وانتظر ممشاك
اخذ كلشي التريده وروح لا هناك
ارد انساك
روح امودع الله وكل طعم مابيك
يالكلك إمصوخه وتعبتني وياك
خيولي النطيته ومانطيتك خاف
عافيتي وإعيوني والگلب یفداك
أرد انساك
وماگلك بسيطه إبروحتك ارتاح
بس المايريدك مو غصب يهواك
ارد انساك
يالماشفت منك لا شته ولا صيف
وخلص كل العمر چا یمته اترياك
اخذ مني الخذيته محالل وماهوب
وروح ابراحتك دفعة هوا ابمگفاك
يمته اتفيدني ومابيك شغله اتفيد
اسنين انخه بجنابك بعد ماانخاك
دليتك إجروحي وذمه گتلك هاي
زادن من عرفتك وانت بعدك ذاك
ارد انساك
يالمالك فضل بس السوالف بيك
اي هاي اعترفلك عمر ماكفاك
ياخابط لگیتك واتعبت صفيت
ياناكر النعمه وناسي من صفاك
داريتك گبل عبالی ورده اتصیر
عاگول اطلعت والشوك شو غطاك !!
لاتاخذ صفنتي احتاجهه امنتروح
ولاتاخذ حسرتي اتفيدني ابطرواك
ولاتاخذ عيوني اتفيدني امنابچیك
ولا تاخذ حروفي اتفيدني ابمعناك
ولا تاخذ دربنه احتاجه من امشيه
يذكرني بخطوتك وامشي واتعناك
روح الدنيه تزغر وين ناوي اتروح
إبصفي إیظل مكانك ألتفت والگاك
بگت منك سوالف حتى اسولف بيك
دورت اعله گلبي وطلع ماشي وياك
وي آمن اسولف ------- وانت ماخليت
ماخذ كلشي مني وكلي يظل يتناك
وآنه وياك نبقه إبابنه --------إنتانيك
من إتريد ترجع --------- أرجع اتلگاك
وماريدن ورد ---- خليني بس ارتاح
ماكضن ورد ------- رايد اكض يمناك
ولو رديت وحدك ----- إسأل الناطور
خيدليك وإقره بقصتي ---- لو دلاك
صح گتلك نسيتك --- چذبت علناس
انسه الناس كلهه وچذب ماأنساك --
(ابو وصفي المرعي )
تعليقات
إرسال تعليق