لا يعبيد/ بقلم الشاعر القدير أبو وصفي المرعي

#لا یعبید #

ماظنتي بعد يعبيد نرتاح
ولا ينشف دمع ذنيج العيون

الخايس والنذل والماله تاريخ
كلهم عالمواطن گام یحچون

یعبید الچلاب اتخلف اچلاب
ماشفنه چلب خلفله بزون

یعبید انویله وداسنه الریل
واتعده و نصیح اشلون مالون

یعبید وبعدنه انسایس الناس
وانصفگ بعدنه اویالیصفگون

وانبگنه وسكتنه وعينه اتشوف
وبعد نسكت عليهم خل يبوگون

الذنب مو بالباگ بالمبیوگ یعبید
گضت مشي وعلیمن خل یولون

صفگ جنح البلابل حیف یعبید
وعطش ریچ السواچي ومايحسون

موت الناس صار  بحسوة الماي
ليمته انموت حسره اوياليموتون

يعبيد الوكت شو خبل الناس
و اليمشي وي ناسه ايصير  مجنون

يعبيد ومشن ذنيج الايام
گول عبید نمشي اویاللي يمشون ؟
وافرض هم مشينه وظلت الگاع
مو سر الفلح  بالگاع مدفون !!

مثل طبع السمچ من نطلع انموت
لا یعبید مو احنه الیطلعون

یعبید الشمس من تطلع اتخاف
ماگامت إتأمن باليگعدون

حرامي البيت صاير مثل ابو بگیع
یاخذ من سفرته لغیر ماعون

ملعون الكتل اطفال الحسين
واليگطع سبیل الماي ملعون

دخيلك ياعبيد الموت مكروه
مات الماي باحلوگ الیشربون  -

*ابو وصفي المرعي*