ماهي ظنه / شعر شعبي بقلم الشاعر القدير ابو وصفي المرعي

حديثي لايتعدى مسامعي فانا اكلم الوطن -

# ماهي ظنه #

ماهي ظنه اتعود النه
وترجع اورود بصواني
وتفرش اشليلك محنه
وماهي ظنه
والبخت باچر یجیبك
والشواطي اترد عوافي
والخصيب ايرد خصيبك
والچفوف اترید حنه
ماهی ظنه
والدرب عینه اعله باچر
واحنه نتنه اعیون اهلنه
ترجع وهلهولة أمي
اتفزز المات ابنزلنه
ماهي ظنه
اترد عصاري
كوسر السوباط جنه
والمحب يشبگ حبیبه
والعمر ننطیك منه
رد يذاك الليل گمره
اشبیك؟
گول وسولف النه
ماهی ظنه
اترد علي صوت استكانه
وغيم كل ماله ايتدنه
شتوه واتدث اعله روحي
بارده وندفه بشملنه
صاكه ودخان روحي
وصوت ونه ايجيب ونه
ماهي ظنه
اترد واشوفنك حمامه
وتهدي للسعفه ابتسامه
وخد ترف والگاع شامه
ونرجع انبوسك ----وطنه
ماهي ظنه -
اتعود وانشوفك حديقه
والنده اليندل طريقه
والحديقه اتحب مثلنه
ماهي ظنه -
اترد واشوفنك حبيبي
واهس وتترس حظنه
ماهي ظنه انشوف جيتك
گبل جیتك مات املنه
ماهي ظنه -ياوطنه
متنه يم ذيج المحطه
يابخت وايردك النه !!!؟
ماهي ظنه -

*ابو وصفي المرعي *