موت حافي/ بقلم الشاعر القدير ابو وصفي المرعي

* موت حافي *

هوسه والشارع يسولف
والرصيف ايكت دمع
والنه وي الموت قصه
وفزعت ابخور وشمع

ومن يصيح الله اكبر
شطنه والماطور كبر
وطاحت بيوت وأماني
وذاك طاح ابوجه اسمر
وطاحت اسنينه إبإدينه
وشافهن --- مامقتنع

هوسه ياليل المدينه
وعدنه شط امنشفینه
ومره يضحك --مره يبچي
ومره يسكت --مره يحچي
ومره يمطر ماي يچوي
وانشلع چتف الرصیف
وراح يمشي ------
وراح كلشي
ومابقت بس السوالف
لازگه وماتنشلع

واحنه قصة ليل غافي
وسومرت ذيچ الچفافي
اتعود الشارع علينه
وشاف جدم الصاح حافي
يركض ايدور عوافي
وينكتل باول فرع

يادمع كت اعله كيفك
لا تصيح يادمع
خله مستوره السوالف
روحي خيط وتنگطع
وحشة الشارع. اغاني
وصوت الامأذن شبع -

*موت حافي * ابو وصفي المرعي *