تذكر أمس/ بقلم الشاعر القدير ابو وصفي المرعي

تذكر امس !!
من جنت تحچی اویالشمس ؟
تذكر اذا لاحك مطر
تفرش شليلك ينترس ؟
تذكر امس ؟
من سولفولك عالوطن
ماسولفت
بس اعزفت بستة عرس !! ؟
تذكر امس !!
من لابس ابطولك نخل
هوه النخل هم ينلبس !!!؟
من شفتك ابلايه غطه
والدنيه چله اتطگ ضرس ؟
متعافي يالطولك وطن
والحوته منك تحترس
تذكر امس !!؟
تذكر اشگد تاطي الفرح
ماخذت عانه ولا فلس !!
بالگیض وانت اویالهوی
تبرد علی عناد الإنس ! ؟
بعدك تسولف للگمر ؟
عالبلم -- علطبگه ام درس ؟
عالمده ---- عالماي الحلو !!
علسيبه عن ذاك الونس !!
تذكر امس !!؟
من فيضت !
من اكشخت !!
خطار عدنه وسيرت
وانترسن اچفوفك ترس
من شافوا ابطولك نهر
وامفصل اهدومك شجر
وطولك غنه وروجك وتر
حطوا ملح فوگ الجرح
طعنت غدر -- وكتك نحس
تذكر امس !!؟؟؟؟؟
تذكر امس !!؟؟؟؟؟
ياعمي وك تذكر امس !!
ردلي الصده
اووووووف امده
ميت الشط ولا يحس --
عن ياأمس !! عن ياأمس ؟؟
ميت لگیته امنالعطش
ومتمدد  بنص الحبس -
تذكر أمس !!؟

* ابو وصفي المرعي *