حلفينه/ بقلم الشاعر القدير ابو وصفي المرعي

** حلفينه. **

يا شواطينه الحزينه
هاج ادينه وحلفينه
وگطره گطره التشهد النه
وحلفي راحات ادینه
وحلفینه اشگد مشینه
إشگد گعدنه اویالسواجی
اشگد ضحكنه --- ومابچینه
حلفینه -- شهود عدنه
المسحه وامكابر ابونه
احزام واحچات جدنه
ذني عدنه
وكلشي عدنه
لیلنه وجنحان گمره
وريحة الجوري بزندنه
وكلشي عدنه
وكلشي بينه
هاج ادينه وحلفينه
اتسولف اول مابدينه
گاع خضره وزبده صفره
وآخ یاطعم الشنینه
هاچ ادینه وحلفیهه
اشگد بقی اترابچ بدینه
اشگد مصایب غربلتنه
إشگد نواعم فشلتنه
طاحت برجفت وكتنه
وما صفينه
حلفينه
الليله جمعه
وصوتنه المحد يسمعه
ونهدي للميتين دمعه
وياسنه وذيچ الصواني
وشمعه تبچي اگبال شمعه
ومن شمعنه اتعلمینه
وكلشي بعنه وما شرينه
ليلنه وبستان غافي
وريحة اتراب الچفافی
یالله كافي ---والله كافي
يوم غلطي وردي بينه -

*ابو وصفي المرعي *