لزكت البمبر / بقلم الشاعر الكبير ابو وصفي المرعي

* لزگت البمبر *

صوتنه وذاك الحچي ---- ودگ الصبع ؟
والبواچي بليلنه ---------وذاك الدمع !!

والدروب اشگد حچت ---ذیچ الدروب
لیش صوت ادروبنه ---------الماینسمع

نعتذر لو صوت من عدنه ----------عله
خله سكته ايذوب ------عالگاع الشمع

لزگت البمبر علی الحایط ---------نشاز
هیچ لازگلي خلگ  ------------ ماينشلع

یا شعبنه اصویحبك ------ ماعنده راي
مثل هاي البيدنه ----------ابسع يندفع

يدري حچي الليل ------- يمحيه النهار
الليل كله يسولف------------ ابلايه نفع

والسوالف عالوضع ------ما الهه سوگ
یارخص هوساتنه ------- العشره بربع

صاح بينه الموت------ لحگ عالرخیص
گوتره وصاحبنه --------صافن عالوضع

تهون لو شایف وطن------ طعم البلاش
بس شفت طعم -------الوطن ماینجرع

واتهون لو شایف وطن ---ذابح شریف
بس  شفت سيف النذل------ بی ینرفع

وسهله لو شفت الجهل ----ذابحله راي
بس شفت حبر القلم ------ يكتب دمع

شفنه وابلعنه وسكتنه -----وكلنه هيج
ذاك من ذاك الفحل----------- ماينخدع

یافتگنه الماتخیط------------- من زمان
غیر كون الثوب منه------------ اوينرگع !

الوطن عطشان ------واحنه ابحضنه نار
وكلمن وربعه ----------- وبقى الماله ربع

المايعرفك مايثمنك -------------بالطريق
الاخبال اعله الوطن --------احسن طبع

الرفيف اعله السعف------- طبع الحمام
واحنه رفت گاعنه---------- ومات النبع

والعزه بنهرانه ------------- ابوكت الربیع
والچبیر اتوفه------------- واتوفه الفرع

واحنه ماردنه العنب------- بس السلال
وماینام الواوی----------- بمكان السبع

المایخاف امنالله -----شتگله ویخاف ؟
الماشبع برگابنه--------- معادي الشبع

* ابو وصفي المرعي *