موت و عرس / بقلم الشاعر القدير ابو وصفي المرعي

#موت وعرس #

تمنيتك دمع -----تحرگني من اتطيح
حته ادفه واگول---- افیش من ادفه

وتمنیتك وسن ---حدر الجفون اتنام
واحلم من اسلهم -----موشرط أغفه

وتمنيتك نهر ---واغرگ ابنصك شوگ
واتهاده اويروجك---- واحضن الچفه

يااول عشگ -----یترس شلیل الروح
هوی عذیبي وفرح--- للگاع والسعفه

یا اكبر وجع ------- بين الضلوع اتنام
يا اقدم جرح-------- من عنده مااشفه

ياموت وعرس------- يمخبل النسوان
هلاهلهن صريخ ---------وزته وي زفه

وحيرت الزلم ---------كل الزلم حبوك
وماتو بيك حب ---- وهاي مو صدفه

من شفتك طحت طاحت الروح وياك
گمر طاح وحفظتك ----- لحن بالشفه

يا اول وطن - بالطيحه ينطي ادروس
وایعلم بلاش اشلون--------- من تحفه

من اتشوف مركب -------بالبحر غرگان
افهم لیش غارگ--------- وإسأل الدفه

مو سوچك عرفنه ---- السوچ بالسفان
شتفید السوالف--------- والالف وسفه

تمنیتك ترد --------- حتى آنه ارد وياك
وابرد واشتهيك -------وادفه من تدفه

اوصيك اعله گلبي الراح بيك ايموت
غسله بماي نهرك ---------- بالصبر لفه
لفه بماي صبرك------------- بالملح لفه

*ابو وصفي المرعي *