مشكلتي / بقلم الشاعر القدير ابو وصفي المرعي

# مشكلتي #

سالفتي اعله گدي------ ومحد اموازيك
اذا ماعاجبك ----------لا تحچی سالفتي
مشيت الدرب وحدي- وگتلك الله وياك
روح إسأل ادروبي------- وتفتهم قصتي
انه الطاحن امتوني------ امنالثكل للگاع
شلت اسنین حصتك---- ماشلت حصتي
نطيتك ماگلت-------- نعم الله لو ممنون
وگتلك هاك اخذ------- والغيره صاحبتي
خذیت اشما ردت --وآنه اعله گد الحال
بس مابينتلك --------------گلت مشكلتي
انطيتك اعيوني ---------وماقنعت ابهاي
بعد شنطيك گلي ------- التوت خاصرتي
وفديت ارويحتي-- وچم مره ماتت بیك
وچم مره ادفنتهه ----- وصحت مامتي ؟
يسر الماحفظته----- وگمت اسولف بیك
بس مابينت --------------- ثلثين سالفتي
باچر مر علینه -----اتشوف نخله وموت
وانت اتعرف كلشي --------بيوم فاتحتي
حبيتك وطن ----------وازرعتك ابساتين
واشتلتك محبه----------- وكسرت سلتي
الله يسامحك ------------يلماوفيت وياي
الله يسامحك----------- يالبيك كل علتي

*ابو وصفي المرعي *